FTxSDG Challenge: $500,000 grant yutib olish imkoniyati

FTxSDG Challenge startap tanlovi: $500,000 sarmoya yutib oling

Talabalar va abituriyentlar uchun ajoyib imkoniyat! The Financial Times va Seedstars hamkorligida tashkil etilgan "FTxSDG Challenge" xalqaro startap tanloviga start berildi. Ushbu loyiha rivojlanayotgan bozorlarda tadbirkorlik g‘oyalarini qo‘llab-quvvatlashga qaratilgan.

Tanlovning asosiy yo‘nalishlari

Musobaqa Birlashgan Millatlar Tashkilotining Barqaror Rivojlanish Maqsadlari asosida o‘tkaziladi. Unda ham tayyor startap egalari, ham yangi g‘oyaga ega bo‘lgan barcha qiziquvchilar ishtirok etishi mumkin. Asosiy mavzular:

• Jinsiy tenglik;
• Iqlim o‘zgarishiga qarshi kurash;
• Sifatli taʼlim;
• Munosib mehnat va iqtisodiy o‘sish;
• Tengsizlikni kamaytirish;
• Yaxshi sog‘liq va farovonlik.

G‘oliblar uchun sovrinlar va imtiyozlar

Tanlov g‘oliblari uchun katta imkoniyatlar yaratilgan:

• Seedstars Investor Fundʼdan 500 000 AQSh dollari miqdoridagi sarmoya imkoniyati;
• Qiymati 80 000 dollar bo‘lgan 3 oylik akseleratsiya dasturi;
• AWS, Hubspot, Miro va Twilio kabi 50 dan ortiq vositalarga bepul kirish va chegirmalar (jami $49,000+);
• Xalqaro ekspertlardan murabbiylik sessiyalari va PR qo‘llab-quvvatlash.

Tanlov doirasida ishtirokchilar guruhlarga bo‘linib, real muammolarni hal qilish ustida ishlashadi va yakunda o‘z loyihalarini pitching qiladilar. Bu talabalar uchun o‘z bilim va ko‘nikmalarini xalqaro darajada namoyish etish uchun ajoyib imkoniyatdir.

Arizalarni qabul qilish muddati: 2021-yil 1-noyabr.

Tanlov shartlari haqida batafsil ma’lumot olish va ariza topshirish uchun rasmiy portalga o‘ting.