2025-yildan bog‘cha rahbar va pedagoglari moddiy rag‘batlantiriladi

Bugungi kunda ta'lim sohasidagi eng dolzarb xabar shu bo'ldi:

Qisqacha mazmun:
Endilikda bog'chalar rahbar va pedagoglari ham moddiy rag'batlantiriladi Prezidentning 2024-yil 30-sentyabrdagi PF-152-son Farmoniga ko‘ra, 2025-yildan boshlab maktabgacha ta’lim tizimida bir qator yangi o‘zgarishlar va moddiy rag‘batlantirish choralari joriy etiladi.
Ushbu farmon maktabgacha ta’lim tashkilotlari rahbarlari va pedagoglari uchun qo‘shimcha imkoniyatlar yaratadi.
2025-yil 1-yanvardan: Maktabgacha taʼlim tashkiloti direktori o'rinbosari lavozimi joriy etiladi.

---

Endilikda bog'chalar rahbar va pedagoglari ham moddiy rag'batlantiriladi

Prezidentning 2024-yil 30-sentyabrdagi PF-152-son Farmoniga ko‘ra, 2025-yildan boshlab maktabgacha ta’lim tizimida bir qator yangi o‘zgarishlar va moddiy rag‘batlantirish choralari joriy etiladi. Ushbu farmon maktabgacha ta’lim tashkilotlari rahbarlari va pedagoglari uchun qo‘shimcha imkoniyatlar yaratadi.

2025-yil 1-yanvardan:

• Maktabgacha taʼlim tashkiloti direktori o'rinbosari lavozimi joriy etiladi.
• Respublikaning barcha tuman va shaharlarida kamida bittadan tayanch maktabgacha ta’lim tashkiloti faoliyati yo‘lga qo‘yiladi.
• Barcha maktabgacha ta’lim tashkilotlarida malaka oshirishning “Metodik mahorat soati”, tayanch maktabgacha taʼlim tashkilotlarida esa “Metodik mahorat kuni” shakllari bosqichma-bosqich joriy etiladi.
• Trener sifatida faoliyat yuritayotgan direktor o'rinbosarlariga lavozim maoshining 20 foizi miqdorida qo'shimcha ustama haq to'lanadi.

2025-yil 1-martdan:

• Mobil malaka oshirish xizmatlari tajriba-sinov tariqasida respublikaning uzoq va chekka hududlarida joylashgan maktabgacha taʼlim tashkilotlari pedagoglari uchun joriy etiladi.

Rahbar va pedagoglar uchun rag'batlantirish:

Maktabgacha va maktab taʼlimi vaziri jamg'armasi hisobidan maktabgacha taʼlim tashkilotlari rahbar va pedagog kadrlarini rag'batlantirishga ruxsat etiladi. Bu maktabgacha ta’lim tizimi xodimlarini moddiy jihatdan qo‘llab-quvvatlash va ularning ish faoliyatini yaxshilashga qaratilgan.

Inklyuziv ta’lim:

2025-yil 1-yanvardan har bir tuman (shahar)dagi bittadan umumiy turdagi davlat maktabgacha taʼlim tashkilotlarida inklyuziv taʼlim guruhlari ochiladi. Bu bolalarning ta’lim olish imkoniyatlarini kengaytirishga qaratilgan qadamdir.

Ushbu ma'lumotlar rasmiy manbalardan olingan.