2026-yil 14-iyul kuni davlat oliy va kasbiy ta'lim muassasalariga o‘qishga kirish bo‘yicha o‘tkazilgan test sinovlari natijalari e'lon qilindi.
Bilim va malakalarni baholash agentligi **rasmiy ma'lumoti**ga ko‘ra, test sinovida ishtirok etgan abituriyentlar o‘z natijalarini bir necha usul orqali bilishlari mumkin.
Test natijasini qanday tekshirish mumkin?
Reklama
Abituriyentlar natijalarini quyidagi usullarda ko‘rishlari mumkin:
1. my.uzbmb.uz sayti orqali
my.uzbmb.uz saytining "Natijani olish" bo‘limiga kirib:
- pasport seriyasi va raqami;
- JShShIR (shaxsiy identifikatsiya raqami)
kiritish orqali natijani olish mumkin.
2. mandat.uzbmb.uz sayti orqali
mandat.uzbmb.uz saytida abituriyentning qayd varaqasi yoki ruxsatnomasida ko‘rsatilgan ID raqamini kiritish orqali ham natijani tekshirish mumkin.
3. Telegram botlari orqali
Natijalarni Bilim va malakalarni baholash agentligining quyidagi Telegram botlari orqali ham olish mumkin:
- @bmba_natija_bot
- @bmba_natija_1bot
- @bmba_natija_2bot
Buning uchun botga qayd varaqasi yoki ruxsatnomada ko‘rsatilgan abituriyent ID raqami yuboriladi.
InfoEdu.uz eslatishicha, e'lon qilingan natijalar faqat test sinovida to‘plangan ball hisoblanadi. Yakuniy tanlov natijalari (mandat) esa OTM, ta'lim yo‘nalishi va ta'lim shakli tanlash jarayoni yakunlangach alohida e'lon qilinadi.
Izohlar (0)
Izoh yozish uchun tizimga kiring.