“Yil o‘qituvchisi” tanlovi uchun tavsiya etilgan adabiyotlar e’lon qilindi

Umumiy o‘rta ta'lim muassasalari pedagoglari o‘rtasida o‘tkazilayotgan “Yil o‘qituvchisi” tanlovining uchinchi bosqichi uchun tavsiya etilgan adabiyotlar ro‘yxati e'lon qilindi.

Maktabgacha va maktab ta'limi vazirligi ma'lum qilishicha, Vazirlar Mahkamasining 2025-yil 28-apreldagi tegishli qarori bilan tasdiqlangan “Yil o‘qituvchisi” tanlovini o‘tkazish tartibi to‘g‘risida”gi Nizomga muvofiq, tanlovning uchinchi bosqichida nomzodlarning ma'naviy-ma'rifiy faoliyati samaradorligi hamda kitobxonlik darajasi baholanadi.

Shu munosabat bilan ishtirokchilarga quyidagi ijtimoiy-siyosiy va badiiy adabiyotlarni o‘qish tavsiya etilgan.

Tavsiya etilgan adabiyotlar ro‘yxati

1. "O‘zbekiston Respublikasi Konstitutsiyasi"
2. "O‘zbekiston Respublikasining "Ta'lim to‘g‘risida"gi Qonuni"
3. "O‘zbekiston Respublikasining "Pedagogning maqomi to‘g‘risida"gi Qonuni"
4. "Milliy tiklanishdan – milliy yuksalish sari" — Shavkat Mirziyoyev
5. "Hozirgi zamon va Yangi O‘zbekiston" — Shavkat Mirziyoyev
6. "Yangi O‘zbekiston taraqqiyot strategiyasi" — Shavkat Mirziyoyev
7. "Sohibqiron" — Abdulla Oripov
8. "Turkiy guliston yoxud axloq" — Abdulla Avloniy
9. "O‘tkan kunlar" va "Mehrobdan chayon" — Abdulla Qodiriy
10. "Navoiy" — Oybek
11. "Kecha va kunduz" — Cho‘lpon
12. "Ikki eshik orasi" — O‘tkir Hoshimov
13. "Ufq" — Said Ahmad
14. "Asrga tatigulik kun" — Chingiz Aytmatov
15. "Martin Iden" — Jek London
16. "Qo‘rqma" — Javlon Jovliyev
17. "Otamdan qolgan dalalar" — Tog‘ay Murod
18. "Yulduzli tunlar" — Pirimqul Qodirov
19. "Ulug‘bek xazinasi" — Odil Yoqubov
20. "Alkimyogar" — Paulo Koelyo

Uchinchi bosqichda nimalar baholanadi?

Tanlov nizomiga ko‘ra, uchinchi bosqich davomida ishtirokchilarning:

• ma'naviy-ma'rifiy faoliyati samaradorligi;
• kitobxonlik darajasi;
• tavsiya etilgan adabiyotlar bo‘yicha bilim va dunyoqarashi baholanadi.

InfoEdu.uz kuzatuviga ko‘ra, tavsiya etilgan ro‘yxatdan huquqiy hujjatlar bilan bir qatorda o‘zbek va jahon adabiyotining mashhur asarlari ham o‘rin olgan.