Akademik taʼtil nima va u qanday hollarda beriladi?
Oliy taʼlim muassasalarida tahsil olayotgan talabalar uchun akademik taʼtil olish huquqi qonunchilik bilan belgilangan. Bu jarayon talabani o‘qishdan chetlashtirish hisoblanmaydi va maʼlum bir muddatga o‘qishni to‘xtatib turish imkonini beradi.
Akademik taʼtil olish uchun asosli sabablar
Talabalar quyidagi holatlarda akademik taʼtil olishlari mumkin:
- harbiy xizmatni o‘tash uchun;
- salomatligini tiklash uchun;
- homiladorlik va tug‘ish uchun;
- bolalarni parvarish qilish uchun;
- oilasining betob aʼzosini (ota-ona, turmush o‘rtog‘i, farzand) parvarish qilish uchun.
Akademik taʼtil olish uchun murojaat qilish tartibi
Akademik taʼtil olish uchun talaba OTM rektori nomiga ariza bilan murojaat qilishi kerak. Arizaga sababni tasdiqlovchi tegishli tibbiy xulosalar yoki chaqiruv qog‘ozi ilova qilinishi shart. Murojaat bir hafta muddatda ko‘rib chiqilib, rektor buyrug‘i bilan rasmiylashtiriladi.
Muhim jihatlar
- Akademik taʼtil davrida talabaga stipendiya to‘lanmaydi.
- Taʼtildan qaytgan talabalarga oldin o‘zlashtirilgan fanlarni qaytadan topshirish majburiyati yuklatilmaydi.
- Batafsil maʼlumotlar uchun talabalar uchun ajratilgan bo‘limimizga tashrif buyuring.
Oliy taʼlimdagi yangiliklar va oliygohlar kirish ballari haqida doimiy xabardor bo‘lish uchun infoedu.uz saytini kuzatib boring.
Izohlar (0)
Izoh yozish uchun tizimga kiring.