2026/2027-o'quv yili uchun davlat oliy ta'lim muassasalariga hujjat topshirish boshlandi. 5-iyundan 25-iyungacha abituriyentlar my.uzbmb.uz portali orqali ro'yxatdan o'tishlari mumkin.
Qanday bosqichlardan iborat?
Bu yilgi qabul jarayoni "avval test, so'ng tanlov" tamoyili asosida ikki bosqichda o'tkaziladi. Birinchi bosqichda abituriyent faqat test topshiriladigan fanlar majmuasi, ta'lim tili va test hududini tanlaydi. Ya'ni avval imtihon topshiriladi, keyin natijaga qarab OTM va yo'nalish tanlanadi.
Buning ma'nosi — abituriyent birorta oliygohga "biriktirilgan" holda emas, balki to'plagan balliga qarab eng mos variantni tanlash imkoniga ega bo'ladi. Chet tili sertifikati imtiyozlaridan foydalanmoqchi bo'lgan abituriyentlar ham o'z ballarini hisobga olgan holda tanlov qilishlari mumkin.
Imtihon vaqti va ikkinchi bosqich
- Test sinovlari iyul-avgust oylarida o'tkaziladi
- Barcha imtihonlar yakunlangach, abituriyentlarga 15 kun beriladi
- O'sha 15 kun ichida abituriyent my.uzbmb.uz orqali OTM, yo'nalish va ta'lim shaklini tanlaydi
- Magistraturaga hujjat topshirish 1-30 iyul oralig'ida
Kerakli hujjatlar
Ro'yxatdan o'tish uchun abituriyentga bor-yo'g'i ikki hujjat kerak: biometrik pasport (yoki ID-karta) va umumiy o'rta ta'lim olganligini tasdiqlovchi hujjat.
Abituriyentlar "oltinchi yo'nalish" tanlash imkoniyatiga ham ega — agar beshta tanlagan yo'nalishiga kira olmasa, qo'shimcha imkoniyat beriladi.
Reklama
Izohlar (0)
Izoh yozish uchun tizimga kiring.