Shartnoma turini tanlashda adashmang
Talabalar to‘lov-kontrakt olish maqsadida kontrakt.edu.uz sayti orqali onlayn ariza berayotganda “Shartnoma turini tanlash” bandi abituriyentlar o‘rtasida ko‘plab savollarni keltirib chiqarmoqda. Ushbu qo‘llanma orqali siz ikki va uch tomonlama shartnomalar o‘rtasidagi farqni tushunib olasiz.
Ikki tomonlama shartnoma nima?
Ikki tomonlama shartnoma — bu OTM va abituriyent o‘rtasida tuziladigan kelishuvdir. Uni quyidagi hollarda tanlash tavsiya etiladi:
- Kontrakt yoki super-kontrakt pulini abituriyentning o‘zi to‘lamoqchi bo‘lsa;
- Bankdan taʼlim krediti olmoqchi bo‘lganlar;
- To‘lov ota-onaning ish joyidan oylik maosh hisobidan amalga oshirilganda.
Qo‘shimcha ma’lumotlar uchun abituriyentlar uchun ruknimizni kuzatib boring.
Uch tomonlama shartnoma qachon tanlanadi?
Uch tomonlama shartnoma — bu OTM, abituriyent va homiy tashkilot o‘rtasida tuziladi. Agar kontrakt pulini siz emas, balki biror tashkilot to‘lab bermoqchi bo‘lsa (masalan, keyinchalik o‘sha yerda ishlash sharti bilan), aynan ushbu turdagi shartnomani tanlashingiz kerak.
Muhim: Uch tomonlama shartnomada homiy korxonaning STIR raqami kiritilishi shart. Ta’lim krediti oluvchilar va ota-onasining ishxonasidan to‘lov qiluvchilar bu bandni tanlamasligi kerak.
Universitetga kirish ballari va qabul jarayonlari haqida batafsil ma’lumotlarni oliygohlar kirish ballari sahifasidan olishingiz mumkin. Savollaringiz bo‘lsa, izoh qoldiring!
Izohlar (0)
Izoh yozish uchun tizimga kiring.