Sertifikat imtihonida 128 ming o’rin ajratildi, 61 mingga yaqini to’langan

Oktyabr oyida bo‘lib o‘tadigan milliy sertifikat imtihonida qatnashish uchun ro‘yxatdan o‘tgan talabgorlarning 60 foizga yaqini hali to‘lovni amalga oshirmagan. To‘lov qilinmagan arizalar 4-oktabr kuni bekor qilinadi.

O‘rinlar va arizalar soni

Bilim va malakalarni baholash agentligi ma’lumotlariga ko‘ra oktyabr oyidagi milliy sertifikat imtihonlari uchun jami 128 000 ta o‘rin ajratilgan. 24-sentabr holatiga 120 593 ta ariza topshirilgan, shundan 61 596 tasi uchun to‘lov qilingan.

To‘lov muddati

To‘lov qilishning oxirgi muddati — 3-oktabr. 4-oktabr kuni to‘lov qilinmagan arizalar bekor qilinadi.

Bo‘sh o‘rinlar qayta ochiladi

Agentlikka ko‘ra bekor qilingan arizalar evaziga bo‘sh qolgan o‘rinlar uchun ariza berish yana qayta ochiladi. Bu imkoniyatdan ro‘yxatdan o‘ta olmagan abituriyentlar foydalanishi mumkin.