Samarqand davlat pedagogika institutida ijodiy imtihonlar boshlandi

2026/2027-o‘quv yili qabuli doirasida Samarqand davlat pedagogika institutida (SamDPI) kasbiy (ijodiy) imtihonlar 13–17-iyul kunlari o‘tkaziladi.

Institut tomonidan tasdiqlangan jadvalga ko‘ra, imtihonlar musiqa, tasviriy san’at, jismoniy madaniyat hamda sport faoliyati yo‘nalishlari bo‘yicha tashkil etiladi. Har bir ta’lim yo‘nalishi uchun imtihon sanasi, vaqti va o‘tkazilish joyi alohida belgilangan.

Qaysi yo‘nalishlarda kasbiy imtihon bo‘lib o‘tadi?

Joriy yilda quyidagi bakalavriat ta’lim yo‘nalishlari bo‘yicha kasbiy (ijodiy) imtihonlar o‘tkaziladi:

• 60110600 – Musiqa ta’limi
• 60111500 – Tasviriy san’at va muhandislik grafikasi
• 60111200 – Jismoniy madaniyat
• 61010200 – Sport faoliyati (Kurash)
• 61010200 – Sport faoliyati (Voleybol)

Har bir yo‘nalish bo‘yicha baholash mezonlari va topshiriqlar institut tomonidan tasdiqlangan tartib asosida amalga oshiriladi.

Imtihonlar qayerda o‘tkaziladi?

Kasbiy (ijodiy) imtihonlar quyidagi manzillarda tashkil etiladi:

• Samarqand shahri, Spitamenshoh ko‘chasi, 166-uy
• Samarqand shahri, Mirzo Ulug‘bek ko‘chasi, 54-uy

Yo‘nalishga qarab imtihonlar institutning bosh binosi, Aniq va amaliy fanlar fakulteti, sport zallari hamda "Dinamo" stadionida o‘tkaziladi.

Abituriyentlar nimalarni olib kelishi kerak?

Institut abituriyentlardan imtihon boshlanishidan kamida 1 soat oldin belgilangan manzilga yetib kelishni so‘ramoqda.

Imtihonga kirishda quyidagi hujjatlar majburiy hisoblanadi:

• pasport yoki ID-karta;
• abituriyent ruxsatnomasi.

Ruxsatnomani my.uzbmb.uz platformasidagi shaxsiy kabinet orqali yuklab olish mumkin.

Agar hali ruxsatnomangizni olmagan bo‘lsangiz, abituriyentlar ruxsatnomalarini yuklab olish boshlandi mavzusidagi maqolamiz orqali yuklab olish tartibi bilan tanishishingiz mumkin.

Shuningdek, imtihonga olib kirish mumkin bo‘lgan buyumlar haqida testga nimalar olib kirish mumkin? maqolamizni ham o‘qib chiqishingiz tavsiya etiladi.

Qo‘shimcha ma'lumot uchun

Kasbiy (ijodiy) imtihonlar yuzasidan quyidagi telefon raqamlari orqali murojaat qilish mumkin:

• +998 95 826 82 15
• +998 95 826 82 17
• +998 95 826 82 19

Abituriyentlarga imtihon sanasi, joyi va vaqtini oldindan tekshirib chiqish, barcha zarur hujjatlarni tayyorlab qo‘yish tavsiya etiladi.