Talaba qizlar kontrakti daromad solig’idan ozod etiladimi?

Talaba qizlar uchun yangi soliq imtiyozlari

Prezidentlikka nomzod Shavkat Mirziyoyev Qoraqalpog‘istonda o‘tkazilgan uchrashuvda oliy ta’lim tizimini rivojlantirish va talabalar uchun yaratiladigan yangi sharoitlar haqida gapirib o‘tdi.

Kontrakt to‘lovlari daromad solig‘idan ozod qilinadi

Eng muhim yangiliklardan biri — yangi o‘quv yilidan boshlab oliygohlarda o‘qiyotgan xotin-qizlarning kontrakt to‘lovlarini kim to‘lashidan qat’i nazar, daromad solig‘idan ozod qilish rejalashtirilmoqda. Hozirda bu imtiyoz faqat farzand yoki turmush o‘rtog‘i uchun to‘lov qilganlarga berilardi.

Ushbu qaror kuchga kirsa, quyidagi shaxslar soliq imtiyozidan foydalanishi mumkin:

• Aka-ukalar;
• Qaynota yoki qaynonalar;
• Tog‘a yoki amakilar;
• Boshqa yaqin qarindoshlar.

Oddiy tilda aytganda, kontrakt uchun to‘langan summaning 12 foizi daromad solig‘i sifatida qaytarib beriladi.

Qoraqalpog‘istonda ta’lim qamrovini oshirish

Shuningdek, nomzod Qoraqalpog‘istonda oliy ta’lim qamrovini kelgusi yilning o‘zida 50 foizga yetkazishni maqsad qilgan. Bu borada o‘quv yo‘nalishlari bo‘yicha chet elda o‘qiyotgan yoshlarning o‘qishini davlat granti asosida yurtimiz oliygohlariga ko‘chirish amaliyoti yo‘lga qo‘yiladi.

Manba: infoedu.uz sayti ma’lumotlari asosida tayyorlandi.