O’qituvchilar ish haqi oshdi: Yangi tarif stavkalari

Pedagog xodimlar ish haqi 15 foizga oshirildi

O‘zbekiston Respublikasi Prezidentining 2024-yil 12-avgustdagi PF-108-sonli “Ish haqi, pensiyalar va nafaqalar miqdorini oshirish to‘g‘risida”gi Farmoniga muvofiq, 2024-yil 1-oktabrdan boshlab byudjet tashkilotlarida ishlovchi pedagog va tibbiyot xodimlarining ish haqi miqdorlari oshirildi.

Ushbu o‘zgarishlar Oliy ta’lim, fan va innovatsiyalar vazirligi hamda Kambag‘allikni qisqartirish va bandlik vazirligi tomonidan tasdiqlandi.

Ish haqi o‘zgarishlari va yangi stavkalar

Yangi tartibga ko‘ra, byudjet tashkilotlarida faoliyat yuritayotgan xodimlar uchun quyidagi o‘zgarishlar amalga oshirildi:

• Pedagog xodimlar: Ish haqi 15 foizga oshirildi. Bu o‘zgarish maktabgacha, umumta’lim, o‘rta maxsus va professional ta’lim muassasalari, shuningdek, “Muruvvat” va “Mehribonlik” uylari hamda bolalar sanatoriyalarida ishlovchi barcha pedagoglarga taalluqlidir.
• Boshqa xodimlar: Byudjet tashkilotlaridagi boshqa xodimlarning ish haqi miqdori 10 foizga oshdi.

Shuningdek, mehnatga haq to‘lashning eng kam miqdori oyiga 1 155 000 so‘m, bazaviy hisoblash miqdori esa 375 000 so‘m etib belgilandi.

Ta’lim tizimidagi yangiliklar

Ish haqi oshirilishi natijasida o‘rta maxsus ta’lim va professional ta’lim (akademik litseylar, kasb-hunar kollejlari) pedagog va rahbar xodimlarining bazaviy tarif stavkalari yangi jadvallar asosida qayta ko‘rib chiqildi. Bu pedagoglar mehnatini munosib baholash va ta’lim sifatini oshirishga qaratilgan muhim qadamdir.

Pedagoglar o‘z malakalarini tasdiqlash va ish faoliyatini rivojlantirish uchun pedagog kadrlar attestatsiyasi tizimidan foydalanishlari tavsiya etiladi. Shuningdek, ta’lim sohasidagi boshqa yangiliklar va abituriyentlar uchun foydali ma’lumotlarni infoedu.uz saytida kuzatib boring.