O'qishni ko'chirish bo'yicha imtihon topshirgan talabgorlar natijalarni qachon olishlari mumkin? Amaldagi tartibga ko'ra, natijalar barcha imtihonlar to'liq tugagan kundan boshlab 7 kun (bir hafta) ichida e'lon qilinishi shart.
15-iyuldan davlat OTMlariga o'qishni ko'chirish va tiklash bo'yicha arizalar qabuli boshlangan edi. Arizalar qabulidan keyin oliy ta'lim muassasalariga o'qishni ko'chirish bo'yicha imtihonlar o'tkaziladi. Kasbiy (ijodiy) imtihonlar to'liq yakunlangach, Bilim va malakalarni baholash agentligi tomonidan rasmiy natijalar shakllantiriladi.
Nomzodlar natijalarni elektron shaklda olishlari mumkin. Elektron natijalar varaqasida quyidagi ma'lumotlar aks etadi:
Reklama
- Talabgorning shaxsiy ma'lumotlari;
- O'qishini ko'chirish rejalashtirilgan OTM va ta'lim yo'nalishi;
- Imtihonda to'plangan ball;
- O'qishni ko'chirish uchun belgilangan o'tish bali;
- Talab bajarilgani yoki bajarilmagani — o'qishga o'tkazilgani yoki rad etilgani haqidagi yakuniy xulosa.
Natijalar varaqasi QR-kod bilan himoyalangan bo'lib, u to'liq yuridik kuchga ega rasmiy elektron hujjat hisoblanadi.
O'qishni ko'chirish jarayonidagi barcha yangiliklarni InfoEdu.uz orqali kuzatib boring.
Izohlar (0)
Izoh yozish uchun tizimga kiring.