2026-yilning yanvar–iyun oylarida Oliy ta'lim, fan va innovatsiyalar vazirligiga 4 ming 572 ta murojaat kelib tushgan. Bu o'tgan yilning mos davriga nisbatan 2,1 foizga kam.
Murojaatlarning 85,4 foizi elektron, 10,2 foizi yozma, 4,4 foizi esa og'zaki shaklda yuborilgan. Bu haqda Oliy ta'lim vazirligi yarim yillik rasmiy hisobotida ma'lum qildi.
Eng ko'p murojaat qilinadigan masalalar
| Murojaat mavzusi | Soni | Ulushi |
|---|---|---|
| O'qishni ko'chirish va qayta tiklash | 536 | 11,8% |
| Ta'lim muassasalari faoliyati | 504 | 11,0% |
| Diplom masalalari | 483 | 10,6% |
| Talabalar bilimini baholash | 400 | 8,7% |
| Xodimlar faoliyatidan norozilik | 340 | 7,4% |
| Kontrakt to'lovlari | 322 | 7,0% |
| Qabul jarayonlari | 301 | 6,6% |
| Moliyaviy masalalar (stipendiya va b.) | 185 | 4,0% |
| Ish bilan ta'minlash | 170 | 3,7% |
| Ilmiy faoliyat | 114 | 2,5% |
| Yotoqxonalar | 98 | 2,1% |
| Boshqa masalalar | 1 119 | 24,6% |
Hisobotga ko'ra, eng ko'p murojaatlar o'qishni ko'chirish bo'yicha bo'lgan. Talabalar uchun o'qishni qayta tiklash bo'yicha onlayn ariza berish jarayonlari hali ham eng dolzarb masalalardan biri bo'lib qolmoqda.
Murojaatlar qanday yakunlandi
Vazirlik ma'lumotiga ko'ra, murojaatlarning katta qismi amaliy yechim topgan:
| Holati | Soni | Ulushi |
|---|---|---|
| Ijobiy hal etilgan | 3 680 | 80,4% |
| Hududiy idoralarga yuborilgan | 459 | 10,1% |
| Huquqiy tushuntirish berilgan | 210 | 4,6% |
| Ko'rib chiqilmoqda | 108 | 2,4% |
| Vakolatli organlarga yo'naltirilgan | 92 | 2,0% |
| Qonuniy ko'rmasdan qoldirilgan | 23 | 0,5% |
Ayrim yo'nalishlarda murojaatlar kamaygan
Xorijiy davlatlardan o'qishni ko'chirish bo'yicha murojaatlar 62,8 foizga, texnikumlarga qabul va o'qishni tiklash bo'yicha 38,9 foizga, talabalar safidan chetlatilish bo'yicha 30,2 foizga, stipendiya masalalari bo'yicha 29,1 foizga, respublika ichida ichki ko'chirish bo'yicha esa 27,6 foizga kamaygani qayd etilgan.
Ta'lim sohasidagi eng dolzarb yangiliklar va rasmiy e'lonlarni InfoEdu.uz saytida o'qishingiz mumkin.
Reklama
Izohlar (0)
Izoh yozish uchun tizimga kiring.