Milliy sertifikat imtihonlarida kimlar ishtirok eta oladi?
So‘nggi vaqtlarda ko‘pchilikni qiziqtirayotgan savol: milliy sertifikat imtihonlari faqat abituriyentlar uchunmi? Vazirlar Mahkamasining 2020-yil 12-oktabrdagi 646-son qaroriga ko‘ra, mazkur imtihonlarda ishtirok etish bo‘yicha hech qanday cheklov mavjud emas.
Kimlar topshirishi mumkin?
Ushbu imtihonni nafaqat abituriyentlar, balki o‘z bilimini sinab ko‘rish istagida bo‘lgan istalgan fuqaro topshirishi mumkin. Chet tili sertifikatlarida bo‘lgani kabi, umumta’lim fanlaridan ham istalgan shaxs imtihonda qatnashib, sertifikatni qo‘lga kiritish huquqiga ega.
O‘qituvchilar uchun qanday imtiyozlar bor?
Milliy sertifikatning pedagoglar uchun ham katta ahamiyati bor. Xususan:
- Xalq taʼlimi tizimidagi pedagog kadrlar 80% va undan yuqori natija qayd etsa;
- 3 yil davomida oylik ish haqiga 20% miqdorida ustama qo‘shib beriladi.
Siz ham o‘z bilimingizni sinab ko‘rmoqchimisiz? Unda milliy sertifikat sanalari bilan tanishib, ro‘yxatdan o‘tishingiz mumkin.
Siz bu yangilikka qanday qaraysiz? Fikr va mulohazalaringizni izohlarda qoldiring.
Izohlar (0)
Izoh yozish uchun tizimga kiring.