Chet tili va umumta‘lim fanlari bo‘yicha milliy sertifikat imtihoniga uzrli sabab bilan kelolmagan talabgorlar uchun yangi imkoniyat yaratildi. Endi ular keyingi imtihonda qo‘shimcha to‘lovsiz qatnashishi yoki to‘lagan mablag‘ini qaytarib olishi mumkin. Bu haqda Bilim va malakalarni baholash agentligi mas‘ul xodimi Javlonbek Nurmatov o‘zining Telegram kanalida ma‘lum qildi.
Qanday holatlar uzrli sabab hisoblanadi
Yangi tartib faqat quyidagi uzrli sabablarga ega bo‘lgan talabgorlarga nisbatan qo‘llaniladi:
Reklama
- Kasallik — tibbiy muassasadan olingan hujjat bilan tasdiqlanishi kerak
- Xizmat safari — ish joyidan rasmiy buyruq yoki yo‘llanma asosida
- Yaqin oila a‘zosining vafoti — o‘lim haqidagi guvohnoma bilan tasdiqlanishi lozim
Har bir holat bo‘yicha tasdiqlovchi hujjat taqdim etilishi shart. Hujjatsiz murojaatlar qabul qilinmaydi.
Kimlarga tatbiq etilmaydi
Agentlik quyidagi holatlarda to‘lov qaytarilmasligi yoki keyingi imtihonga o‘tkazilmasligini aniq belgilab qo‘ygan:
- Imtihonga uzrsiz kelmaganlar
- Belgilangan vaqtdan kechikkanlar
- Imtihon qoidalarini buzganligi sababli chetlashtirilganlar
Avvalroq huquqshunoslik va 11 ta chet tili bo‘yicha milliy sertifikat tizimi joriy etilishi haqida xabar bergan edik.
Izohlar (0)
Izoh yozish uchun tizimga kiring.