O‘zbekiston maktablarida «Yosh gvardiyachilar» sinflari tashkil etiladi
O‘zbekistondagi har bir umumta'lim maktabida 9-sinfdan boshlab «Yosh gvardiyachilar» vatanparvarlik sinflari ochiladi. Bu haqda Milliy gvardiya axborot xizmati rahbari Davron Jumanazarov ma'lum qildi.
Maqsad – yoshlarni harbiy vatanparvarlik ruhida tarbiyalash
Ushbu tashabbus yoshlarni harbiy vatanparvarlik ruhida tarbiyalashga qaratilgan bo'lib, Maktabgacha va maktab ta'limi vazirligi bilan hamkorlikda amalga oshirilmoqda. Bu jarayon o'quvchilarning kelajakda oliygohlarga kirish va harbiy sohada o'z o'rnini topishida muhim poydevor bo'ladi.
Sinflar soni va bosqichlar
Shu kunga qadar respublika bo'ylab 56 ta maktabda 265 ta «Yosh gvardiyachilar» sinflari faoliyat yuritgan. Endilikda qarorga muvofiq, loyiha ikki bosqichda kengaytiriladi:
- Birinchi bosqich: 2024/2025-o‘quv yilida 2 530 ta maktabda;
- Ikkinchi bosqich: 2025/2026-o‘quv yilida 2 536 ta maktabda.
O'quvchilar ushbu sinflarda ta'lim olish bilan birga, maktab darsliklari orqali o'z bilimlarini mustahkamlab borishlari mumkin. Batafsil ma'lumot uchun infoedu.uz saytiga tashrif buyuring.
Izohlar (0)
Izoh yozish uchun tizimga kiring.