Maktablarda yangi pedagogik sinflar tashkil etilmoqda
O‘zbekiston ta’lim tizimida navbatdagi muhim yangilik joriy etilmoqda. Hukumat qaroriga ko‘ra, 2024/2025-o‘quv yilidan boshlab tajriba-sinov tariqasida pedagogik sinflar faoliyati yo‘lga qo‘yiladi.
Pedagogik sinflarning maqsadi va afzalliklari
Ushbu loyiha doirasida Qoraqalpog‘iston Respublikasi, Toshkent shahri hamda har bir viloyatda bittadan maktabda 10-11-sinf o‘quvchilarini pedagog kasbiga tizimli tayyorlash ko‘zda tutilgan. Ilg‘or xorijiy tajribalar asosida mazkur sinflar uchun maxsus o‘quv dasturlari ishlab chiqiladi.
Dastur yakunida o‘quvchilar quyidagi imkoniyatlarga ega bo‘lishadi:
- Maktabni bitirganlik to‘g‘risidagi shahodatnoma;
- Milliy malakalar ramkasining 2-darajasiga mos keluvchi, maktabgacha taʼlim tashkilotlarida tarbiyachi yordamchisi sifatida ishlash huquqini beruvchi davlat namunasidagi sertifikat.
Bu yangilik o‘quvchilarning kasbiy yo‘nalishini erta aniqlash va mehnat bozoriga tayyor mutaxassislarni yetkazib berishda muhim qadam hisoblanadi. Agar siz kirish ballari yo'nalishlar kesimida ma'lumot olishni istasangiz yoki abituriyentlar uchun mo‘ljallangan boshqa yangiliklarni kuzatib borsangiz, kelajakdagi maqsadlaringizga erishish osonroq bo‘ladi.
Ta'lim sohasidagi boshqa yangiliklarni biz bilan birga kuzatib boring!
Izohlar (0)
Izoh yozish uchun tizimga kiring.