Olima ayollar uchun innovatsion loyihalar tanlovi e’lon qilindi

Olima ayollar uchun innovatsion loyihalar tanlovi

Innovatsion rivojlanish vazirligi ilm-fan sohasida faoliyat yuritayotgan xotin-qizlarni qo‘llab-quvvatlash maqsadida “Olima ayollar” tashabbuskor amaliy va innovatsion loyihalar tanlovini e’lon qiladi.

Tanlovning asosiy maqsadi

Ushbu tanlov respublikamizda xotin-qizlarni ilm-fanga keng jalb qilish, ularning yangi g‘oya va ishlanmalarini rag‘batlantirish hamda iqtisodiyot tarmoqlaridagi muammolarga ilmiy yechim topishga qaratilgan.

Ishtirok etish shartlari

Tanlovda ilmiy darajaga ega xotin-qizlar ishtirok etishlari mumkin. Loyiha ijrochilari tarkibi faqat ayollardan iborat bo‘lishi, jamoaning o‘rtacha yoshi 45 yoshdan oshmasligi va tarkibda yosh olimalar, iqtidorli talabalar hamda magistrantlar bo‘lishi lozim. Talabalar uchun ilmiy izlanishlar olib borishda bu ajoyib imkoniyatdir. Agar siz kirish ballari yo'nalishlar kesimida ma'lumot qidirayotgan bo'lsangiz, tizimimizdan foydalanishingiz mumkin.

Hujjatlarni topshirish

Tanlovga taqdim etiladigan ilmiy loyihalar www.grant.mininnovation.uz elektron platformasi orqali 2022-yilning 2-mayiga qadar qabul qilinadi.

Kerakli hujjatlar:

• Ijrochi tashkilot rahbari tomonidan imzolangan yo‘llanma xat (.pdf);
• Ilmiy kengash qaroridan ko‘chirma (.pdf);
• Amaliy yoki innovatsion loyiha matni (.pdf va .doc/.docx).

Tanlov shartlari faylini yuklab olish.

Tanlov bo‘yicha batafsil ma’lumotlar bilan BU YERDA tanishishingiz mumkin.

Texnik masalalar bo‘yicha: +998-71-203-32-32, +998-90 989-92-94 raqamlariga murojaat qiling.