Kirish imtihonlari ochiq maydonlarda bo'ladimi?
So'nggi vaqtlarda ijtimoiy tarmoqlarda kirish imtihonlari usti ochiq maydonlarda, ertalab va kechki smenada o'tkazilishi haqida turli xabarlar tarqalmoqda. Ushbu holat yuzasidan Davlat test markazi rasmiy bayonot berdi.
DTM rasmiy munosabati
Davlat test markazi ma'lum qilishicha, ayni damda test sinovlarini abituriyentlar salomatligi va xavfsizligini ta'minlagan holda o'tkazish bo'yicha turli variantlar ko'rib chiqilmoqda. Hozircha hech qanday yakuniy qaror qabul qilinmagan.
Abituriyentlar nimalarga e'tibor berishi kerak?
- Tarqalayotgan asossiz xabarlarga ishonmaslik va faqat rasmiy manbalarni kuzatish.
- Test sinovlariga tayyorgarlik jarayonini to'xtatmaslik.
- O'z bilimlarini DTM standartidagi test tizimi orqali sinab ko'rish.
- Tanlangan yo'nalishlar kesimidagi kirish ballarini tahlil qilib, puxta tayyorgarlik ko'rish.
Davlat komissiyasi tomonidan maqbul va xavfsiz joylar hamda aniq sanalar belgilangach, bu haqda ommaviy axborot vositalari orqali rasmiy ma'lumot beriladi.
