Xitoyda bo'lib o'tgan 67-Xalqaro matematika olimpiadasida (IMO 2026) O'zbekiston terma jamoasi ajoyib natija qayd etdi — 2 ta kumush va 3 ta bronza medali.
Medal sohiblari bilan tanishing:
- Elshod O'ralov — Termiz shahar 14-sonli maktab o'quvchisi, kumush medal 🥈
- Dostonbek Rahmonqulov — Yangiyer shahar ixtisoslashtirilgan maktab o'quvchisi, kumush medal 🥈
- Azizbek Mamajonov — Al-Xorazmiy nomidagi IM Guliston filiali, bronza medal 🥉
- Elbek Zohidjonov — Muhammad al-Xorazmiy nomidagi ixtisoslashtirilgan maktab o'quvchisi, bronza medal 🥉
- Rasulbek G'afforov — Muhammad al-Xorazmiy nomidagi ixtisoslashtirilgan maktab o'quvchisi, bronza medal 🥉
Xalqaro matematika olimpiadasi dunyodagi eng nufuzli o'quvchilar musobaqalaridan biri hisoblanadi. Bu yilgi olimpiadada jamoamizning muvaffaqiyatli ishtiroki o'zbekistonlik yosh matematiklarning salohiyati xalqaro maydonda munosib e'tirof etilayotganini yana bir bor isbotladi.
Xalqaro olimpiada g'oliblari OTMga kirishda qanday imtiyozlarga ega ekanligi haqida avval batafsil yoritgan edik — bunday yutuqlar abituriyentlik davrida katta ustunlik beradi.
O'zbekistonlik o'quvchilarning xalqaro maydondagi muvaffaqiyatlari haqidagi barcha yangiliklarni InfoEdu.uz orqali kuzatib boring.
Reklama
Izohlar (0)
Izoh yozish uchun tizimga kiring.