O’quvchini darsdan chiqarib yuborish mumkinmi? Qonuniy asoslar

O'quvchini darsdan chiqarib yuborish taqiqlanadi: Qonuniy asoslar

Ko'plab ota-onalar va o'quvchilarni qiynaydigan savol: o'qituvchi o'quvchini darsga kechikkani yoki formada bo'lmagani uchun sinfdan chiqarib yuborishi mumkinmi? Javob aniq: yo'q, bu qonunga zid.

Ta'lim muassasalaridagi o'quv jarayoni “qonuniylik, demokratik, kamsitishga yo'l qo'ymaslik va hurmat” prinsiplariga asoslanishi shart.

Vazirlik buyrug'i nima deydi?

Xalq ta’limi vazirligining 2022-yil 28-iyuldagi 246-sonli buyrug'i bilan tasdiqlangan “Umumiy o'rta ta'lim muassasasining ichki tartib va odob-axloq qoidalari”ga ko'ra:

• O'qituvchilar o'quvchilarni darsdan asossiz chiqarib yuborishi mumkin emas.
• Darsga kechikish, o'quv qurollarini unutish yoki maktab formasining yo'qligi o'quvchini darsdan chetlatish uchun asos bo'la olmaydi.
• “Chiqish” qo'ng'irog'i chalingandan keyin o'quvchilarni sinfxonada ushlab o'tirish taqiqlanadi.

O'quv jarayonida bilim olish har bir bolaning konstitutsiyaviy huquqidir. Agar siz maktabda darsliklar bilan bog'liq muammolarga duch kelsangiz, maktab darsliklarini yuklab olish orqali darslarga tayyorgarlik ko'rishingiz mumkin. Shuningdek, ta'lim tizimidagi yangiliklardan xabardor bo'lish uchun barcha maqolalar sahifamizni kuzatib boring.

Bu yangilik sizga qanday ta'sir qildi? Fikringizni yozib qoldiring.