Qisqacha mazmun:
Mazkur tanlov O'zbekiston Respublikasi Vazirlar Mahkamasining “Ilmiy va innovatsion faoliyat bilan shug'ullanib kelayotgan iqtidorli yoshlarni qo'llab-quvvatlash chora-tadbirlari to'g'risida” 2021-yil 19-apreldagi 222-son qarorining 2-ilovasi “Bo'lajak olim” tanlovini o'tkazish tartibi to'g'risida»gi nizomida belgilangan talablarga muvofiq o'tkaziladi.
Bunda ilmiy g'oyaning amalga oshirish mexanizmlari, muddati va dastlabki natijalari ko'rsatilgan bo'lishi lozim.
Startap loyiha biznes rejasi (.pdf); 5.
O'zbekiston Respublikasi Innovatsion rivojlanish vazirligi “Bo'lajak olim” tanlovini eʼlon qiladi. Tanlovning asosiy maqsadi – isteʼdodli yosh olimlarning innovatsion faoliyati natijalari va tashabbuslarini davlat tomonidan qo'llab-quvvatlash, ularning ilmiy izlanishlari uchun zarur shart-sharoitlarni yaratib berish hamda salohiyatli yoshlarni ilm-fanga keng jalb etishdan iborat.
Mazkur tanlov O'zbekiston Respublikasi Vazirlar Mahkamasining “Ilmiy va innovatsion faoliyat bilan shug'ullanib kelayotgan iqtidorli yoshlarni qo'llab-quvvatlash chora-tadbirlari to'g'risida” 2021-yil 19-apreldagi 222-son qarorining 2-ilovasi “Bo'lajak olim” tanlovini o'tkazish tartibi to'g'risida»gi nizomida belgilangan talablarga muvofiq o'tkaziladi.
Mazkur tanlovda uch yo‘nalishdagi loyihalar bo‘yicha arizalar qabul qilinadi:
- Ilmiy g‘oyalar;
- Startap loyihalar;
- Ilmiy loyihalar.
“Bo'lajak olim” tanlovi doirasida yosh olimlarning:
- Ilmiy g'oyalari rag'batlantiriladi;
- Ilmiy va startap loyihalari moliyalashtiriladi.
I. Ilmiy g'oya – ilmiy dalil, muammo, faraz, nazariya kabi voqelikni aks ettirish shakllaridan biri bo'lib, fan taraqqiyotning samarasi, ilmiy kashfiyotlarning natijasi sifatida paydo bo'ladigan, turli fan sohalarining asosiy tamoyillari, ustuvor qoidalari asosida ishlab chiqilgan loyiha.
Ilmiy g'oyalarni rag'batlantirishga qo'yiladigan shartlar:
1. Talabgorlarning yoshi ularning ilmiy darajasi, unvoni, mansabi va ish joyidan qatʼiy nazar 40 yoshdan oshmasligi;
2. 1 ta ishtirokchi 1 ta g'oya bilan ishtirok etishi;
3. Topshirilgan ilmiy g'oyani amalga oshirish uchun talab etiladigan mablag' miqdori Vazirlar Mahkamasining 2021-yil 19-apreldagi 222-sonli Qarorining 2-ilovasi bilan tasdiqlangan Nizomdagi hajmdan oshmasligi;
4. Ilmiy g'oyalar asosida maket va (yoki) prototip, dasturiy mahsulot, xizmatlar va ijtimoiy mahsulotlar yaratishning eng ko'p muddati bir yilgacha bo'lishi.
Tanlov doirasida Ilmiy g'oyalar bo'yicha takliflar joriy yilning 20-iyun soat 18:00 ga qadar qabul qilinadi.
Bunda vazirlik tomonidan taqdim etilgan shakllar asosida quyidagi hujjatlar www.yoshlarakademiyasi.uz veb-sahifasining tanlovlar rukniga yuklanishi lozim:
1. Talabgorlarning fuqarolik pasporti yoki identifikatsiya ID kartasi nusxasi, 3x4 sm o'lchamdagi oq fondagi 2 dona rangli fotosurati (.jpeg).
2. Ilmiy g'oya matni. Bunda ilmiy g'oyaning amalga oshirish mexanizmlari, muddati va dastlabki natijalari ko'rsatilgan bo'lishi lozim. Asl nusxasi skaner qilinib, pdf hamda word shaklida taqdim etiladi.
3. Ilmiy g'oyani amalga oshirish uchun talab etiladigan mablag' to'g'risida maʼlumotnoma va xarajatlar smetasi.
4. Ilmiy g'oya taqdimoti. (5 slayddan oshmasligi, ilmiy g'oya mazmuni to'liq yoritilgani).
II. Startap loyiha — amalga oshish xavfi yuqori bo'lgan sharoitda yangi mahsulot yoki xizmat turini yaratuvchi innovatsion ishlanmalarning qo'llanilishi, ko'lami va tez o'sish surʼati bilan farqlanadigan yangi biznes loyiha.
Topshiriladigan startap loyiha shartlari:
1. Loyiha ijrochilarining yoshi ularning ilmiy darajasi, unvoni, mansabi va ish joyidan qatʼiy nazar 40 yoshdan oshmasligi;
2. 1 ta jamoa 1 ta loyiha bilan ishtirok etishi (jamoa aʼzolari soni 5 nafardan oshmasligi lozim);
3. Topshirilgan startap loyiha amalga oshirish summasi miqdori Vazirlar Mahkamasining 2021-yil 19-apreldagi 222-sonli Qarorining 2-ilovasi bilan tasdiqlangan Nizomdagi hajmdan oshmasligi.
4. Startap loyihalarni amalga oshirishning eng ko'p muddati bir yilgacha bo'lishi.
Tanlov doirasida Startap loyihalar bo'yicha takliflar joriy yilning 31-may soat 18:00 ga qadar qabul qilinadi.
Bunda vazirlik tomonidan taqdim etilgan shakllar asosida quyidagi hujjatlar www.yoshlarakademiyasi.uz veb-sahifasining tanlovlar rukni orqali yuklanishi lozim:
1. Tanlovda ishtirok etish uchun ariza (.pdf), jamoa har bir aʼzosining fuqarolik pasporti yoki identifikatsiya ID kartasi nusxasi (.pdf), 3x4 sm o'lchamdagi oq fondagi 2 dona rangli fotosurati (.jpeg);
2. Startap loyiha maʼlumotnomasi (.pdf);
3. Startap loyihani amalga oshirish uchun xarajatlar smetasi;
4. Startap loyiha biznes rejasi (.pdf);
5. Startap loyiha taqdimoti. (7 slayddan oshmasligi, startap loyiha mazmuni to'liq yoritilgani) (.pdf).
Taqdim etilgan ilmiy g'oya hamda startap loyihalar tanlov talablariga qatʼiy rioya qilinganligi, loyiha materiallarining ishonchliligi va haqqoniyligi, ko'chirmachilikka (plagiat) yo'l qo'yilmaganligi, belgilangan talablar asosida shakllantirilganligi bo'yicha dastlabki texnik ekspertizadan o'tkaziladi.
Dastlabki texnik ekspertizadan o'tmagan loyihalar tanlovning keyingi bosqichiga tavsiya etilmaydi.
Taqdim etilgan loyihalardagi maʼlumotlarning haqqoniyligi va ishonchliligi, tanlov dasturlari vazifalarida belgilangan, kutilayotgan natijalarni to'la va o'z vaqtida sifatli bajarilishiga ilmiy g'oya hamda startap loyiha mualliflari shaxsan javobgar hisoblanadi.
Tanlovlarga arizalar 2021-yil 1-may sanasidan boshlab qabul qilinadi.
Ushbu ma'lumotlar rasmiy manbalardan olingan.
Javoblar (0 )