Fan olimpiadalari: yangi tartib va talablar
Maktabgacha va maktab taʼlim vazirligining 2024-yil 11-oktyabrdagi 331-sonli buyrug‘iga asosan, 2024-2025-o‘quv yilida umumtaʼlim fanlari bo‘yicha asosiy olimpiadaning ikkinchi (tuman) va uchinchi (hududiy) bosqichlarini o‘tkazish tartibi belgilandi.
Ushbu jarayonlar abituriyentlar uchun o‘z bilimlarini sinab ko‘rish va xalqaro olimpiadalarga yo‘llanma olish uchun muhim qadam hisoblanadi. Shuningdek, o‘quvchilar o‘z bilimlarini maktab darsliklarini yuklab olish orqali mustahkamlashlari mumkin.
Tashkiliy ishlar va javobgarlik
Hududiy boshqarmalar rahbarlariga olimpiadalarni shaffof va adolatli o‘tkazish bo‘yicha quyidagi vazifalar yuklatildi:
- Hududiy tashkiliy qo‘mitalarni tuzish va xarajatlar smetasini tasdiqlash;
- Hakamlar hay’ati va apellyatsiya komissiyasi tarkibini shakllantirish;
- Olimpiada o‘tkaziladigan joylarda kuzatuv kameralarini o‘rnatish;
- Olis hududlardan keladigan o‘quvchilar uchun yotoqxona sharoitlarini yaratish;
- G‘oliblarni uch kun muddatda tantanali taqdirlash.
Olimpiadalar joriy yilning 20-oktyabriga qadar barcha qulayliklarga ega bo‘lgan markazlarda tashkil etilishi ko‘zda tutilgan. Natijalar bo‘yicha tahliliy ma’lumotnomalar Respublika tashkiliy qo‘mitasiga taqdim etiladi.
Izohlar (0)
Izoh yozish uchun tizimga kiring.