O‘zbekiston ta’lim tizimida yangi bosqich: Amerikalik o‘qituvchilar keldi
Yangi 2024-2025-o‘quv yilida O‘zbekistondagi ta’lim muassasalarida faoliyat yuritish uchun AQShdan 20 nafar tajribali ingliz tili o‘qituvchisi tashrif buyurdi. AQSh elchixonasi ma’lumotiga ko‘ra, ushbu tashabbus mamlakatimizda ingliz tili ta’limi sifatini oshirishga qaratilgan.
Ta’lim sifatini oshirish va xalqaro hamkorlik
Amerikalik mutaxassislar O‘zbekistonning 10 ta hududida joylashgan maktab va universitetlarda dars berishadi. Bu loyiha 2019-yildan beri AQSh elchixonasi, Maktabgacha va maktab ta’limi vazirligi hamda Oliy ta’lim, fan va innovatsiyalar vazirligi bilan hamkorlikda amalga oshirilmoqda.
- 2019-yildan buyon 98 nafar amerikalik o‘qituvchi jalb qilingan.
- 21 ta davlat maktabi va 30 dan ortiq universitetda ingliz tili o‘qitilmoqda.
- AQSh hukumati 2018-yildan buyon ta’lim sohasiga 31,2 million dollardan ortiq sarmoya kiritdi.
O‘quvchilar va talabalar uchun ingliz tilini chuqur o‘rganish kelajakda kirish ballari yo'nalishlar kesimida yuqori natijalarga erishishda muhim ahamiyat kasb etadi. Shuningdek, pedagoglar o‘z malakalarini oshirish uchun pedagog attestatsiya jarayonlarida faol ishtirok etishlari tavsiya etiladi.
Kelajakdagi maqsadlar
AQShning O‘zbekistondagi elchisi Jonatan Henik o‘qituvchilarni kutib olar ekan, ular nafaqat til o‘rgatish, balki ikki davlat o‘rtasidagi madaniy aloqalarni mustahkamlashda ham muhim o‘rin tutishini ta’kidladi. Loyiha doirasida mamlakat bo‘ylab 18 mingdan ortiq mahalliy ingliz tili o‘qituvchisini tayyorlash ham ko‘zda tutilgan.
Izohlar (0)
Izoh yozish uchun tizimga kiring.