Central Asian University: 10-11-sinf o’quvchilari qabuli bo’yicha bayonot

Central Asian University'dan muhim bayonot

Central Asian University (sobiq Akfa University) 10-11-sinf o‘quvchilarini universitetga qabul qilish bilan bog‘liq noqonuniy xabarlarga nisbatan rasmiy bayonot berdi.

Firibgarlik holati qanday sodir bo‘lgan?

Aniqlanishicha, ikki yil avval universitetning sobiq rektori “Study for the success” MChJni ta’sischilardan yashirin holda jalb qilgan. MChJ orqali ota-onalar bilan qonunga xilof shartnomalar tuzilgan. Ushbu shartnomalarda o‘quvchilar maktabda o‘qish bilan bir vaqtda universitetning 1-bosqichini tugatishi va maktabni bitirishi bilanoq 2-bosqichga o‘tishi va’da qilingan.

• Barcha to‘lovlar firibgarlik yo‘li bilan o‘zlashtirilgan.
• MChJning universitetga hech qanday aloqasi bo‘lmagan.
• Maktab o‘quvchilarini universitet dasturiga qabul qilish qonunchilikka zid.

Ushbu holat yuzasidan tuman prokuraturasi tomonidan jinoiy ish qo‘zg‘atilgan. Agar siz oliygohlar kirish ballari yoki ta’lim tizimidagi yangiliklar bilan qiziqsangiz, abituriyentlar uchun mo‘ljallangan bo‘limimizni kuzatib boring.

Jabrlangan o‘quvchilar uchun yechim

Universitet rahbariyati B. Djalilovning noqonuniy hatti-harakatlaridan jabr ko‘rgan va qo‘lida 11-sinf shahodatnomasi mavjud bo‘lgan yoshlarni tez kunlarda o‘rnatilgan tartibda 1-bosqichga qo‘shimcha qabul qilishini ma’lum qildi.