Jizzaxda is gazidan zaharlanish oqibatida 4 kishi vafot etdi
31-yanvar kuni Jizzax shahar Sayilgoh ko‘chasida joylashgan xonadonlarning biridan 4 nafar shaxsning murdasi topildi. Rasmiy ma’lumotlarga ko‘ra, vafot etganlarning 2 nafari talaba bo‘lgan. Ushbu mudhish voqea yuzasidan Bosh prokuratura matbuot kotibi Hayot Shamsutdinov axborot berdi.
Mutaxassislarning dastlabki xulosalariga ko‘ra, xonadonga o‘rnatilgan isitish tizimi tabiiy gazdan foydalanish va yong‘in xavfsizligi qoidalariga mutlaqo zid ravishda o‘rnatilgan.
Is gazidan himoyalanish qoidalari
Sud-tibbiy ekspertiza marhumlarning o‘limiga is gazidan zaharlanish sabab bo‘lganini tasdiqladi. Holat yuzasidan Jinoyat kodeksining 207-moddasi (mansabga sovuqqonlik bilan qarash) 3-qismi “a” bandi bilan jinoyat ishi qo‘zg‘atildi. Barcha talaba va yoshlarni isitish mavsumida quyidagi xavfsizlik choralariga rioya qilishga chaqiramiz:
- Isitish qozonlari va moslamalarini mutaxassis nazoratidan o‘tkazish;
- Gaz uskunalarini o‘zboshimchalik bilan o‘rnatmaslik;
- Xonalarni shamollatish tizimini doimiy nazorat qilish.
Ushbu ma’lumotlar rasmiy manbalardan olingan.
