Abituriyentlar diqqatiga: ID karta olish shart!
Oliy ta’lim muassasalariga kirish istagida bo‘lgan abituriyentlar uchun muhim yangilik: bitiruvchilarning pasport (ID karta) ma’lumotlarini ABITUR elektron dasturiga kiritish talab etiladi. Ushbu hujjatsiz elektron ariza topshirish imkonsiz.
OTMga hujjat topshirish tartibi
OTMga hujjat topshirish jarayonida faqatgina quyidagi hujjatlar bazaga kiritilishi kifoya:
- ID karta (pasport) ma’lumotlari;
- Attestat ma’lumotlari.
Agar sizda hali ID karta bo‘lmasa, abituriyentlar uchun barcha jarayonlar to‘xtab qolishi mumkin. Shuningdek, o‘zingizni qiziqtirgan oliygohlar kirish ballari bilan oldindan tanishib chiqishni tavsiya etamiz.
Nima uchun ID karta olish muhim?
Maktab va maktabgacha ta’lim vazirligi ma’lumotlariga ko‘ra, 16 yoshga to‘lgan minglab o‘quvchilar pasport (ID karta) olmaganligi sababli ularning ma’lumotlari elektron bazaga kiritilmagan. Bu esa ularning kelajakdagi imtihonlarda qatnashishiga to‘sqinlik qiladi.
Ma’lumot uchun: Pasport (ID karta) olish uchun o‘zingizga yaqin bo‘lgan hududiy ichki ishlar organlarining Migratsiya va fuqarolikni rasmiylashtirish bo‘limlariga yoki Davlat xizmatlari markaziga murojaat eting.
Siz bu yangilikka qanday qaraysiz? Fikr va mulohazalaringizni izohlarda qoldiring!
Izohlar (0)
Izoh yozish uchun tizimga kiring.