Moliyaviy mustaqillik berilgan oliygohlar: asosiy o'zgarishlar
O'zbekiston Respublikasi Prezidentining qaroriga asosan, 2022-yil 1-yanvardan boshlab 35 ta yetakchi davlat oliy ta’lim muassasalariga moliyaviy mustaqillik berildi. Bu o'zgarishlar talabalar uchun ta'lim sifatini oshirish va oliygohlarning o'z resurslarini samarali boshqarishiga xizmat qiladi.
Oliy ta'lim muassasalariga berilgan yangi vakolatlar
Moliyaviy mustaqillik doirasida oliygohlar quyidagi huquqlarga ega bo'ldi:
- Ta’lim xizmatlari bozoridagi talabni inobatga olgan holda to‘lov-kontrakt narxlarini mustaqil belgilash;
- Talabalarning kontrakt to‘lov muddatlarini belgilash va uzaytirish;
- O‘z mablag‘lari hisobidan stipendiya va grantlar ajratish.
Shuningdek, tibbiyot oliygohlariga o'z klinikalarining moddiy-texnik bazasini mustahkamlash uchun budjetdan tashqari mablag'larni sarflashga ruxsat berildi. Agar siz kirish ballari yo'nalishlar kesimida ma'lumot izlayotgan bo'lsangiz, ushbu o'zgarishlar sizning kelajakdagi ta'limingizga bevosita ta'sir ko'rsatishi mumkin.
Moliyaviy mustaqillik berilgan 35 ta oliygoh ro'yxati
Quyida moliyaviy mustaqillik maqomi berilgan oliy ta'lim muassasalari keltirilgan:
1. Samarqand davlat chet tillar instituti
2. Samarqand iqtisodiyot va servis instituti
3. Toshkent davlat yuridik universiteti
4. Toshkent davlat iqtisodiyot universiteti
5. Toshkent moliya instituti
6. Toshkent davlat sharqshunoslik universiteti
7. Toshkent farmasevtika instituti
8. Toshkent davlat transport universiteti
9. Urganch davlat universiteti
10. O‘zbekiston davlat jahon tillari universiteti
11. Andijon mashinasozlik instituti
12. Toshkent kimyo texnologiya instituti
13. Samarqand davlat universiteti
14. O‘zbekiston milliy universiteti
15. Toshkent davlat texnika universiteti
16. Toshkent tibbiyot akademiyasi
17. Qoraqalpoq davlat universiteti
18. Qoraqalpog‘iston tibbiyot instituti
19. Buxoro davlat universiteti
20. Buxoro davlat tibbiyot instituti
21. Samarqand davlat tibbiyot instituti
22. Qarshi davlat universiteti
23. Termiz davlat universiteti
24. Toshkent davlat agrar universiteti
25. Guliston davlat universiteti
26. O‘zbekiston davlat jismoniy tarbiya va sport universiteti
27. Namangan davlat universiteti
28. Farg‘ona davlat universiteti
29. Geologiya fanlari universiteti
30. Andijon davlat universiteti
31. Andijon davlat tibbiyot instituti
32. Jahon iqtisodiyoti va diplomatiya universiteti
33. Toshkent pediatriya tibbiyot instituti
34. Toshkent davlat stomatologiya instituti
35. Toshkent axborot texnologiyalari universiteti
Izoh: 2023-yil 1-yanvardan boshlab mazkur ro‘yxatga qo‘shimcha davlat oliy ta’lim muassasalarini kiritish huquqi belgilangan.
Izohlar (0)
Izoh yozish uchun tizimga kiring.