2026-yil 1-fevraldan boshlab O‘zbekiston Respublikasi Mudofaa vazirligi tizimidagi oliy harbiy ta’lim muassasalariga o‘qishga kirish istagini bildirgan nomzodlardan arizalar qabul qilish boshlandi.
Amaldagi tartibga muvofiq, nomzodlarning arizalari tuman (shahar) Mudofaa ishlari bo‘limlari orqali qabul qilinadi.
Shu bilan birga, abituriyentlarga qulaylik yaratish maqsadida Mudofaa vazirligi tomonidan maxsus elektron platforma orqali onlayn ariza topshirish tizimini joriy etish rejalashtirilgan. Platforma ishga tushirilgani haqida qo‘shimcha ma’lumotlar yaqin kunlarda e’lon qilinadi.
