Chirchiqda M.Auezov universiteti filiali ochilishi mumkin

Chirchiq shahrida xalqaro universitet filiali ochilishi kutilmoqda

Talabalar va abituriyentlar uchun muhim yangilik e’lon qilindi. Normativ-huquqiy hujjatlar loyihalari muhokamasi portaliga “M.Auezov nomidagi Janubiy Qozog‘iston universitetining Chirchiq shahridagi filialini tashkil etish to‘g‘risida”gi Hukumat qarori loyihasi joylashtirildi.

Filial faoliyatining asosiy yo‘nalishlari

Qaror loyihasiga ko‘ra, yangi filial 2024/2025-o‘quv yiliga qadar o‘z faoliyatini boshlashi rejalashtirilgan. Filialda sifatli ta’lim berish maqsadida professor-o‘qituvchilarning kamida 40 foizi M.Auezov nomidagi Janubiy Qozog‘iston universitetidan jalb etiladi.

• Ta’lim sifati: Kutubxona fondi zamonaviy adabiyotlar bilan boyitiladi.
• Qabul kvotalari: Har yili qabul parametrlarining kamida 5 foizi ijtimoiy himoyaga muhtoj oilalar farzandlari uchun ajratiladi.
• Diplom: Bitiruvchilarga O‘zbekistonda tan olinadigan belgilangan namunadagi universitet diplomi beriladi.

Ta’lim va mutaxassislarni tayyorlash

Filial bakalavriat va magistratura bosqichlarida yuqori malakali kadrlarni tayyorlash, qayta tayyorlash va ilmiy-pedagogik salohiyatni oshirish bilan shug‘ullanadi. Kirish ballari yo'nalishlar kesimida ma'lumotlar va qabul tartiblari Oliy ta’lim, fan va innovatsiyalar vazirligi bilan kelishilgan holda belgilanadi.

Filial o‘z ta’lim faoliyatini Toshkent viloyati, Chirchiq shahrida ijara shartnomasi asosida amalga oshirishi ko‘zda tutilgan. Bu yangilik sizga qanday ta’sir qildi? Fikringizni yozib qoldiring.