Musiqa o’qituvchilariga 20% ustama — yangi o’quv yilidan beriladi

Prezident Shavkat Mirziyoyev madaniyat va san'at xodimlari bilan bo'lgan uchrashuvda soha ta'limini rivojlantirish bo'yicha bir qator muhim qarorlarni e'lon qildi. Yangi o'quv yilidan musiqa va san'at o'qituvchilarining ish haqi sezilarli darajada oshadi.

Ish haqi va ustamalar

Yangi o'quv yilidan 326 ta musiqa va san'at maktabi o'qituvchilarining oylik maoshi umumta'lim maktablari bilan tenglashtiriladi.

Bundan tashqari, umumta'lim va musiqa maktabi o'qituvchilariga o'quvchilarining cholg'u asboblarini ijro etish darajasiga qarab 20 foizgacha ustama to'lanadi.

Musiqa va san'atga 1,5 million o'quvchi jalb qilinadi

Yangi o'quv yilida kamida 1,5 million o'quvchini musiqa va san'atga jalb qilish maqsad qilib belgilandi. Buning uchun:

• 326 ta musiqa va san'at maktabi
• 29 ta ixtisoslashtirilgan maktab

umumta'lim maktablari bilan ijodiy hamkorlik yo'lga qo'yadi. Musiqa va san'at maktablarining jamoalari umumta'lim maktablarida muntazam konsert va mahorat darslari o'tkazib boradi.

Tanlovlar va grantlar

Har yili teatr, cholg'u, xor va raqs yo'nalishlarida tuman, viloyat va respublika darajasida tanlovlar o'tkaziladi.

🏆 Respublika tanlovi g'oliblari madaniyat va san'at oliy o'quv yurtlariga to'g'ridan-to'g'ri qabul qilinadi.

Ijod mahsulini targ'ib qilish, sahna dekoratsiyalari, liboslar va musiqa asboblari sotib olish uchun g'olib jamoalarga 500 million so'mdan grant beriladi.

Maktablarda "Art" yo'nalishi joriy etiladi

Umumta'lim maktablarida musiqa, tasviriy san'at va texnologiya darslari "Art" o'quv dasturi asosida yangilanadi. Bu yo'nalish bolada kreativ fikrlash, jamoaviy ishlash, estetik did va emotsional intellektni shakllantiradi.

Yangi o'quv yilidan har bir viloyatdagi 10 ta maktabda tajriba tariqasida joriy etiladi: