Qisqacha mazmun:
Xorijiy tilni bilish darajasi bo'yicha tegishli milliy yoki xalqaro sertifikatlar ro'yxati esa Davlat komissiyasi qaroriga muvofiq Xorijiy tillarni o'rganishni ommalashtirish agentligi bilan kelishilgan holda vazirlikning 2022-yil 30-iyundagi 220-son buyrug'i bilan imzolangan.
Maʼlumki, maʼmuriy islohotlarga muvofiq Prezidentning 269-son farmoniga (https://lex.uz/docs/6324756) ko'ra Xorijiy tillarni o'rganishni ommalashtirish agentligi tugatilib, tegishlicha vazifalari Oliy taʼlim, fan va innovatsiyalar vazirligi vakolatiga o'tgan.
Shu bois, vazirlikning 2023-yil 23-martdagi 65-son buyrug'i bilan 2023/2024-o'quv yilidan boshlab oliy taʼlim muassasalarining magistratura mutaxassisliklariga hamda oliy taʼlimdan keyingi taʼlim ixtisosliklariga tanlovlarda ishtirok etish uchun taqdim qilinadigan milliy yoki unga mos darajadagi xalqaro sertifikatlar ro'yxati yangilandi.
Vazirlik buyrug'i Vazirlar Mahkamasi qaroriga zid emas
Kuni kecha “Alimoff” telegram kanalida Data-jurnalist Nodirbek Norto'rayevning “Bu post davlat xaridi bilan bog'liq emas, taʼlim bilan bog'liq” sarlavhali posti ulashilib, unda muallif vazirlikning 65-son buyrug'i bilan 2023/2024-o'quv yilidan boshlab magistratura va doktorantura tanlovida ishtirok etish uchun talab qilinadigan chet tili sertifikatlarining yangi tasdiqlangan ro'yxati Vazirlar Mahkamasining 2019-yildagi 395-son qaroriga zid emasmi, deya savol bilan yuzlangan.
Oliy taʼlim, fan va innovatsiyalar vazirligi ushbu savol yuzasidan quyidagilarni maʼlum qiladi.
Materialda hukumat qarori 1.g-bandiga tayangan holda Linguaskill sertifikati bekor qilinmaganiga urg'u bergan. Bunda muallif masala bilan bog‘liq boshqa huquqiy hujjatlarni o‘rganmay eʼtibordan chetda qoldirgani uning noto'g'ri talqin qilinishiga sabab bo'lgan.
Yaʼni, qaror 1.g-bandida xorijiy til bo'yicha milliy yoki xalqaro sertifikatga ega talabgorlar imtihondan ozod qilinishi ko'rsatilgan. Ammo Prezidentning 279-son qarori bilan 2022/23-o'quv yili qabulidan boshlab magistraturaga o'qishga qabul qilishda qo‘shimcha imtihonlar bekor qilinib, PQ-5117-son qarorga asosan til bilish sertifikati hujjat topshirish uchun mezon sifatida belgilandi.
Xorijiy tilni bilish darajasi bo'yicha tegishli milliy yoki xalqaro sertifikatlar ro'yxati esa Davlat komissiyasi qaroriga muvofiq Xorijiy tillarni o'rganishni ommalashtirish agentligi bilan kelishilgan holda vazirlikning 2022-yil 30-iyundagi 220-son buyrug'i bilan imzolangan.
Maʼlumot o'rnida, Vazirlar Mahkamasining 312-son qaroriga binoan chet tillari bo'yicha xalqaro tan olingan sertifikatlar ro'yxatini tasdiqlash aynan Xorijiy tillarni o'rganishni ommalashtirish agentligiga yuklatilgan edi.
Maʼlumki, maʼmuriy islohotlarga muvofiq Prezidentning 269-son farmoniga (https://lex.uz/docs/6324756) ko'ra Xorijiy tillarni o'rganishni ommalashtirish agentligi tugatilib, tegishlicha vazifalari Oliy taʼlim, fan va innovatsiyalar vazirligi vakolatiga o'tgan.
Shu bois, vazirlikning 2023-yil 23-martdagi 65-son buyrug'i bilan 2023/2024-o'quv yilidan boshlab oliy taʼlim muassasalarining magistratura mutaxassisliklariga hamda oliy taʼlimdan keyingi taʼlim ixtisosliklariga tanlovlarda ishtirok etish uchun taqdim qilinadigan milliy yoki unga mos darajadagi xalqaro sertifikatlar ro'yxati yangilandi. O'z navbatida, bu ro'yxat ekspertlar xulosasi asosida vazirlik buyrug'i bilan har yili qayta tasdiqlanadi.
Xulosa o‘rnida, magistratura qabuli Prezident va Vazirlar Mahkamasi qarorlari asosida belgilangan tartibda amalga oshirilmoqda.
Shu o'rinda, vazirlikning 2023-yil 23-martdagi 65-son buyrug'iga qadar olingan, 2022-yil 30-iyundagi 220-son buyrug'i bilan tasdiqlangan ro'yxatda ko'rsatilgan, amal qilish muddati tugamagan milliy yoki unga mos darajadagi xalqaro sertifikatlar 2023/2024-o'quv yili qabulida oliy taʼlim muassasalarining magistratura mutaxassisliklari tanlovlarida ham inobatga olinishini maʼlum qilamiz.
Oliy ta’lim, fan va innovatsiyalar vazirligi
Batafsil ma'lumot uchun oliygoh.uz saytiga tashrif buyuring.
Javoblar (0 )