Diniy ta'lim muassasalari faoliyatini nazorat qilishda "Xavfni tahlil qilish" elektron tizimi joriy etildi. Endi muassasalarning xavf darajasi avtomatlashtirilgan tarzda baholanadi.
Bu haqda Adliya vazirligi 2026-yil 15-iyulda ma'lum qildi. Tegishli nizom davlat ro'yxatidan o'tkazildi.
Tizim qanday ishlaydi
Xavf darajasini aniqlashda davlat organlari axborot tizimlari, statistik ma'lumotlar, murojaatlar, OAV va boshqa qonuniy manbalardan foydalaniladi. Tadbirkorlik subyektlaridan qo'shimcha hujjat talab qilinmaydi.
Xavf darajasi yuqori, o'rta va past toifalarga ajratiladi:
- yuqori va o'rta — profilaktika tadbirlari va tekshiruvlar o'tkaziladi
- past — tekshiruvlar o'tkazilmaydi
Qaysi sohalarga tegishli
Yangi tartib quyidagi sohalarda qo'llaniladi:
- diniy ta'lim muassasalari
- "Umra" tadbirlarini tashkil etish va o'tkazish
- diniy mazmundagi materiallarni tayyorlash, olib kirish va tarqatish
Nodavlat oliygohlar ham xuddi shu tizim orqali nazorat qilinadi — "Xavfni tahlil qilish" tizimi avval OTMlar uchun joriy qilingandi.
Muhim eslatma
Elektron tizimda aniqlangan xavf darajasi tadbirkorlik subyektiga nisbatan to'g'ridan-to'g'ri ta'sir choralari qo'llash uchun asos hisoblanmaydi. Tekshiruvlar qonunchilik asosida tashkil etiladi.
Manba: Huquqiy axborot Telegram kanali
Reklama
Izohlar (0)
Izoh yozish uchun tizimga kiring.