To’garak hujjatlari qanday yuritilishi aniqlashtirildi

Maktab to’garaklari hujjatlarini yuritish tartibi: jurnal, yillik reja, ota-onalar arizasi va davomat belgilari. Rahbarlar uchun to’liq qo’llanma maqolada.

Umidjon Esirgapov

25.08.2026·2 daqiqalik o‘qish

InfoEdu.uz'ni Google'ga qo'shish

To’garak hujjatlari qanday yuritilishi aniqlashtirildi

Maktablarda to'garak faoliyatini 1-11 sinf o'quvchilari qamrab oladi. To'garak rahbari mashg'ulotlar boshlanishidan avval, ya'ni 5-15 sentyabr kunlari jurnalning birinchi sahifasiga tashkiliy ishlarini yozadi. O'quvchilarni to'garakka qabul qilishda ularning yoshi va qiziqishlari hisobga olinadi.

O'quvchining to'garakdagi huquqlari

Har bir to'garak a'zosi o'quv yili mobaynida bir necha muhim huquqqa ega. U xohlaganda to'garakdan chiqib ketishi, boshqa to'garakga a'zo bo'lishi hamda bir vaqtning o'zida bir nechta to'garakda ishtirok etish imkoniyatiga ega. Bu esa o'quvchiga erkin tanlov beradi.

Reklama

Rahbar yuritadigan majburiy hujjatlar

To'garak rahbari quyidagi hujjatlarni yuritishi kerak:

To'garakning yillik taqvim rejasi (past o'zlashtiruvchi va iqtidorli o'quvchilar uchun);
To'garak mashg'ulotlar jurnali;
O'quvchilar ota-onasining arizasi.

Bundan tashqari, ixtiyoriy ravishda mashg'ulotlar ishlanmasi, to'garak tadbirlaridan lavhalar va ko'rgazmali qurollar ham yuritilishi mumkin.

Jurnalni yuritish qoidalari

Jurnaldagi yozuvlar aniq, tartibli va muntazam olib borilishi talab etiladi. Jurnal o'quv ishlari bo'yicha direktor o'rinbosarida saqlanadi. Unda quyidagi ma'lumotlar aks ettiriladi:

To'garak nomi;
Muassasa rahbari tasdiqlagan mashg'ulotlar jadvali;
To'garak rahbarining to'liq F.I.Sh.; (ismi, familiyasi, otasining ismi)
To'garak sardorining to'liq ismi va familiyasi;
To'garak a'zolari tarkibi (ism-familiya to'liq);
Mashg'ulotlar mavzusi, bajarilgan soat va muddati.

Jadvaldagi o'zgarishlar o'quv ishlari bo'yicha javobgar shaxs bilan kelishilgan holda jurnalning ikkinchi betida qayd etiladi. To'garak tashkil topgan kundan 10 kun muddatda a'zolar ro'yxati tuzilib, tegishli ustunlar to'ldiriladi.

Davomat belgilash tartibi

To'garak rahbari a'zolarning davomatini mashg'ulotlarga ajratilgan kunlar va soatlar ustida muntazam belgilab boradi:

"-" belgisi — sababsiz kelmagan o'quvchilarga;
"+" belgisi — sababli qatnashmagan o'quvchilarga.

Nazorat vazifasi va mas’ullar

Maktabda to'garaklar va sport seksiyalarining faoliyatini ma'naviy-ma'rifiy ishlar bo'yicha direktor o'rinbosari ta'minlaydi. O'quv ishlari bo'yicha direktor o'rinbosari esa jurnal to'g'ri olib borilishini doimiy nazorat qilib turadi. Shuningdek, fan o'qituvchilari ham to'garak hujjatlarining to'g'ri yuritilishini muntazam tekshib boradi. Mashg'ulotlar jadvali maktabning o'quvchi va ota-onalarga ko'rinib turadigan joyiga ilib qo'yiladi.

Shuningdek, maktablarda sport zalida pullik to'garak ochish tartibi haqida ham alohida qoidalar mavjud. Sinf rahbarlari uchun esa o'quvchilar shaxsiy yig'ma jildlari bo'yicha qo'llanma foydali bo'ladi.

Maktab to'garaklariga 1-11 sinf o'quvchilari qamrab olinadi. Qabulda o'quvchining yoshi va qiziqishlari hisobga olinadi.

Rahbar yillik taqvim reja, mashg'ulotlar jurnali va ota-onalar arizasini yuritadi. Ixtiyoriy ravishda mashg'ulotlar ishlanmasi, tadbir lavhalari va ko'rgazmali qurollarni ham yuritishi mumkin.

Sababsiz kelmaganlar uchun '-' belgisini, sababli qatnashmaganlar uchun '+' belgisini qo'yiladi.

Telegram kanalga a'zo bo'ling

#pullik to'garak #sport to'garaklari

Reklama

MUALLIFUmidjon EsirgapovInfoedu.uz asoschisi marketing va ta’lim sohasida 5 yillik tajribaga ega ekspert.